تۆرکچۆلۆک، آذربایجان‌چیْلیْق ایدئیالاریْنیْن بؤیۆک اۇستادیْنا باکی‌ْدا هئیکل قوْیۇلدۇ.
دونیا شؤهرت‌لی اورک جراحی جاواد هئیتین آنیم گونودور. نئچه-نئچه اوریی یاشادان هکیمین اؤز اوریی بیر ایل اول دایانیب. بو گون اونو قبیروستو عابده‌سینین آچیلیشین‌دا آنیبلار. آنس تو-نین معلوماتینا گؤره، جاواد هئیت دونیادان دوز بیر ایل اؤنجه کؤچ ائدیب. اما ائله بیر آد قویوب گئدیب کی، بو آد آذربایجان‌لیلارا چوخ شئی دئییر. اصله‌ن ایران آذربایجان‌لی‌سی اولان، ۱۹۲۵-جی ایلده تبریزده آنادان اولموش جاواد هئیت تیبب ساحه‌سین‌ده الده ائتدیی اوغورلارا گؤره نینکی ایراندا، بوتون دونیادا تانینیب. ایراندا ایلک بؤی‌رک کؤچورمه عملیاتینی او ائدیب، ایلک آچیق اورک عملیاتی دا محض اونون آدی ایله باغلی‌دیر. بو گون‌سه، بؤیوک ادیبین قبروستو عابده‌سینین آچیلیشینا ییغیشانلار اونسوز کئچه‌ن بیر ایلی یئنی‌دن یاد ائتدیلر.
۴۲ ایللیک اورک سیرداشی فری‌ده خانیم ایسه دئییر کی، او، تکجه حیاتینین یول یولداشینی ایتیرمه‌ییب، هم ده تنها قالیب: «بو بیر ایل منیم اوچون چوخ آغیر کئچ‌دی. منه باکینی او سئودیردی، بورانی دوغما شهریمه چئویردی. اونسوز بوردا یاشاماق، دانیشماق چوخ چتین‌دیر. یوخ‌لوغو ایله باریشا بیلمیرم. چونکی دوکتور جاواد هئیت خاطره‌لریم‌ده ان خوش آنلاری ایله قالیب». جاواد هئیت تکجه اینسانلارا شفا وئره‌ن کاردیولوق، جرراه دئییل‌دی. بوتون حیاتی بویو خالقینین دیلی اوغرون‌دا هم علمی، هم ده اجتماعی فعالیتیله چالیشان جاواد هئیتی بؤیوک اجتماعی-سیاسی خادیم گونئی آذربایجان میللی حرکاتینین گؤرکه‌م‌لی سیماسی ایدی. «جاواد هئیتین وسیتینه اویغون اولاراق بوتون آرخیوی نظامی گنجوی آدینا میللی آذربایجان ادبیاتی موزئیینه تهویل وئریلیب. آرخیودن یارارلانماقلا نئچه بئله دیسسئرتاسییا یازماق اولار. هله آرخیوده جاواد هئیتین ایشیق اوزو گؤرممیش نه قدر اثرلری، مکتوبلاری وار. حساب ائدیره‌م کی، همین اثرلر ایشیق اوزو گؤره‌جک»، - دئیه میللت وکی‌لی رفائل هوسئینوو بیلدیریب. جاواد هئیت او تای‌لی، بو تای‌لی آذربایجانی حیاتی بویو وارلیغین‌دا یاشادیب. تورکچولوک، آذربایجان‌چی‌لیق ایدئیالارینی «وارلیق» ژورنالی واسطه‌سیله بیزلره میراس قویوب. «وارلیق» ژورنالی هه تئهران‌دا، هم ده آنکارادا یاخین واختلاردا درج اولوناجاق. آرتیق ژورنالین وئبسایتی حاضردیر. جاواد هئیتین ایلدؤنومونو گؤزلییردیک. ژورنال تئزلیکله درج اولوناجاق»، – دئیه جاواد هئیتین معنوی اوغلو زولفی باخشه‌لی قئید ائدیب. تبریزی وارلیغی ایله باکییا ابدی قوووش‌دوران اینسان، سن سوس‌سان دا، سنی سئوه‌ن اورکلر همیشه دؤیونه‌جک. روحون شاد اولسون!
گؤرۆنتۆلۆ راپوْر: ویدیویا باخ
