اۆچ آی ائنئرژی ییْغما‌دان ایشله‌ین تئلئفوْن

اۆچ آیا کیمی شارژسیْز ایشله‌یه بیله‌جک کیچیک اؤلچۆلۆ «ژانوس وان Janus One» تئلئفوْنۇ اۆرتیله‌جک (تولید ائدیله‌جک).

بیلیم‌سسی‌دن آلینان بیلگی‌یه گؤره، اۆچ آیا کیمی شارژسیز ایشله‌یه بیله‌جک کیچیک اؤلچولو «ژانوس وان Janus One» تئلئفونو اوره‌تیله‌جک [استحصال/تولید ائدیله‌جک].
بو بنزرسیز تئلئفون اوچون لازیمی وسایت «Kickstarter ضربه ایستارتر» سیستئمی واسطه‌سی ایله توپلانیلا‌جاق.
«ژانوس وان» ۱۵۰۰ میلی‌آمپئر/ساعات توتوملو باطری ایله تجهیز اولونوب. بو قورغودا [جیهازدا/دستگاهدا] ائنئرژی صرف ائدن ایشله‌ولرین [کارکرد-لرین] چوخو یوخدور.
بوندان باشقا، تئلئفون «میکرو-سیم» کارتین‌دان استفاده اولونا‌راق یالنیز «GSM» شبکه‌لرینده ایشله‌یه بیلر. «ژانوس وان» تئلئفونونون قیمتی ۶۹ دوْلار بیلیندیریلیر.

گۇگل‌یْن آدیْ دییشدی

گۇگل، فعالیت‌لرینی "آلفابت" آدیْیلا قۇردۇغۇ یئنی شیرکت آلتیْندا یئریده‌جگینی بیلدیردی

تکنولوژی شرکتی گوگل، فعالیت‌لرینی "آلفابت" آدییلا قوردوغو یئنی شیرکت آلتیندا توپلایاجاغینی بیلدیردی.
"آلفابت" چاتیسی آلتیندا هر بیری الیفبانین بیر حرفی ایله تمثیل ائدیلن شیرکت‌لر وار. مثلا گ حرفی گوگلی تمثیل ائدیر. کالیکو، فیبر، X، لایف ساینس، نست بون‌لاردان بعضی‌لری. گوگل بو شیرکت‌لر ایچینده آختارما، خریطه، یووتوب، آندروید، رکلام و اویقولامالاردن سورملو شیرکت اولا‌جاق.
آلفابت‌ین اینترنت سایتی‌نین آدرسی ایسه https://abc.xyz.
گۇگل گئچن ایل ۱۴ میلیارد د‌وْلاردان چوْخ قازانج الده ائتدیگینی آچیْقلامیْشدی.

دۆنیایا بنزه‌ین گزه‌گن تاپیْلدیْ

گزه‌گنین "یاشانابیلر بؤلگه‌ده" یئر آلدیْغیْ و حیات احتیمالیْ اوْلدۇغۇ ایفاده ائدیلیر

آمئریکا اۇزای و هاواچی‌ْلیْق داییره‌سی ناسا، دۆنیایا چوْخ بنزه‌ین و مین دؤردیۆز ایْشیْق ایلی اۇزاق‌لیْقدا اوْلان یئنی بیر گزه‌گن اوْلدۇغۇنۇ آچیْقلادیْ.
کپلر ۴۵۲ ب آدیْ وئریلن قایا‌لیْق گزه‌گن، شکیل اولْا‌راق دۆنیایا چوْخ بنزه‌ییر آنجاق دۆنیا‌دان داها یاش‌لیْ و بؤیۆک.
گزه‌گنین اوْربیتینده یئر آلان کپلر ۴۵۲ آدلیْ اۇلدۇز، گۆنش کیمی گزه‌گنه ایْشیْق و ایستی‌لیک تأمین ائدیر.
بۇ سببله یئنی گزه‌گنین "یاشانابیلر بؤلگه‌ده" یئر آلدیْغیْ و حیات احتیمالیْ اوْلدۇغۇ ایفاده ائدیلیر.
یئنی گزه‌گنی "دۆنیانیْن عمی‌سی اوْغلۇ" اوْلا‌راق تانیْملایان ناسا اۇزمانلاریْ، گۆنش‌دن داها بؤیۆک و پارلاق اوْلدۇغۇ آچیْق‌لانان گزه‌گنین ایشیْق قایناغی اۇلدۇزا دا "گۆنشین عمی‌سی اوْغلۇ" آدیْنی وئردی.