آذربایجان اوْردۇسۇ دۆنیانیْن ان گۆجلۆلری سیْراسیْندا
سیاسی جهتدن قئیری-ثابت اولان دونیادا گوجلو اوردو اؤلکهلرین اینکیشافینا و نفوذونا تأثیر ائدن اساس عامللردن بیریدیر. اودور کی، هر ایل اولدوغو کیمی بو ایل ده "گلوبال Firepower" آنالیتیک شیرکتی دونیادا ان گوجلو اوردوسونون هانسی اؤلکهیه مخصوص اولدوغونو مویینلشدیریب.
آنس پرئسس-این معلوماتینا گؤره، ۱۲۶ اؤلکه آراسیندا آپاریلان قیمتلهندیرمهده آذربایجان ۶۰-جی یئرده قرارلاشیب. رئیتینقین حاضرلانماسیندا اساس کریتئرییالار اولاراق اؤلکه اهالیسینین سایی، اوردولارین گوجو، مدافعه بودجهسی، دونانما، آویاسییا و تانکلارین سایی گؤتورولوب.
سیاهیدا ایلک یئری آبش، ایکینجی یئری روسییا اوردوسو توتوب. چین اوچونجو، هیندیستاندؤردونجو اولوب. ایلک اونلوغا همچینین یاپونییا، تورکییه، بؤیوک بریتانییا،فرانسا و آلمانییانین سلاحلی قوهلری داخیلدیر.
قونشو اؤلکهلریمیزدن روسییا و تورکییه ایلک اونلوغا دوشه بیلیب. دیگر ایکی قونشوموز ایران (۲۱) و قازاخیستان (۵۳) آذربایجانی قاباقلایا بیلسه ده، گورجوستان ۸۰-جی، تورکمنیستان ۸۶-جی یئرده قرارلاشیب. آذربایجانین اراضیلرینی ایشغال ائدن، بیر نئچه گون اؤنجه جبههده وضعیتی گرگینلشدیرهن، لاکین لاییقلی جاواب آلاراق گئری اوتوزدورولان ائرمنیستان (۹۴) اوردوسو سیاهینین سونلاریندا اؤزونه یئر ائده بیلیب.
بئله کی، ۹ میلیوندان آرتیق اهالیسی اولان آذربایجان اوردوسونون مدافعه خرجلری ۳ میلیارد دوللاردان چوخدور. تانک سایی ۳۱۴، حربی تییاره ۱۲۷ ادد کیمی گؤستریلیب.
ائرمنیستاندا ایسه ۳ میلیوندان چوخ اهالینین موقابیلینده مدافعه خرجلری ۲۲۵ میلیون دوللاردیر. تانک سایی ۱۱۶، حربی تییارهلر ایسه ۶۳-دور. جبههده سون گونلر کئچیریلهن حربی عملیاتلار نتیجهسینده ائرمنیستان اوردوسونون خئیلی سایدا حربچیسی ایله یاناشی اونلارلا حربی تئکنیکاسی، تانک و آرتیللئرییا آوادانلیقلاری دا محو ائدیلیب.
"گلوبال Firepower" آنالیتیک شیرکتی مونتزهم اولاراق دونیانین ان گوجلو اوردولارینین سیاهیسینی ترتیب ائدیر.
اؤتن ایلکی سیاهییا نظر سالساق، سیاهینین لیدئرلرینین دییشمدیینی گؤره بیلریک. اؤتن ایلین رئیتینقینده آذربایجان اوردوسو ۶۳-جو یئرده ایدی.
قایناق: آنس خبر آژانسیْ