ایدز 2030-جو ایلده تاریخ اولا‌بیلر
یرلشمیش میللت‌لر تشکیلاتی‌نین ایدز ایله مباریزه قورولوشو، "2015 سونونا قدر 15 میلیون ایدز خسته‌سی‌نین معا‌لیجه ائدیلمه‌سی" هدفینه مارس آییندا چاتیلدیغینی آچیقلادی.
قورولوشون آچیقلادیغی راپوررا گؤره؛ سون 15 ایلده 39 میلیون آدام خسته‌لگیه سبب اولان HIV ویروسونو آلدی.
ایدز خسته‌لرین‌دن 25 میلیونو حیاتینی ایتیردی، 15 میلیونا یاخین HIV داشیییجی‌سی ایسه معا‌لیجه ائدیلدی.
آچیقلامادا، قلوبال مباریزه سایه‌سینده 2000-دن بو یانا 30 میلیون HIV حادثه‌سی‌نین و تخمینن 8 میلیون ایدزه باغلی اؤلومون مانع تؤردیلدیگی ایفاده ائدیلدی.
راپوردا، 2000-دن بو یانا یئنی ایدز حادثه‌لرینده یوزده 35، ایدزه باغلی اؤلوم‌لرده یوزده 41 ائنیش یاشاندیغینا دقت چکیلدی.
اؤنوموزدکی 5 ایلین چوخ کریتیک اولدوغو بیل‌دیریلن راپوردا، تأثیرلی بیر ایش ائدیلسه خسته‌لیگین 2030-جی ایلده تاریخه قاریشابیله‌جگی ایفاده ائدیلدی.
