"آذربایجانا سۇ اوْلمایان گؤل، باشقالاریْنا چؤرک اوْلدۇ"
قاضی‌پور: ممکن اولان هر یوللا اورمو گؤلونو قورتارما بهانه‌سیله اورمیه‌ده اقتصادی فعالیتلری انگلله‌ییرسینیز
اورمیه نماینده‌سی نادر قاضی‌پور، مجلسده اورمیه گؤلو حاقیندا دانیشدی.
قاضی پور، مجلسین آچیق اوتوروموندا، انرژی باخانینا خطابا "ممکن اولان هر یوللا اورمو گؤلونو قورتارما بهانه‌سیله اورمیه‌ده اقتصادی فعالیتلری انگلله‌ییرسینیز" دئدی. قاضی‌پور سؤزلرینین داوامیندا "بوگونه قدر وارلیلارین بیر استخرینی قاپاتدیردینیز می؟ یا دا بیر سولاق آلانی قورتاردینیز می؟" دئیه سوروشدور.
اورمیه نماینده‌سی، "سیزین وزارتینیز دؤنمینده اورمیه گؤلونون سویونون آزالماسی من و آذربایجان نماینده‌لرینی قایغیلانیرمامالیدیر می؟ سیز خالقین حسلری ایله اویناییرسینیز. قدیم‌کی‌لرین دئدیگی کیمی، اورمیه گؤلو آذربایجانا سو اولمادی آنجاق باشقالارینا چؤرک اولدو. گئچمیشده اورمیه گؤلو سورونونون محلی سورون اولدوغو دوشونولوردو، معلق دوز پارچاجیقلاری اورتایا چیخینجا بو قونو جدی‌لشدی و بو پارچاجیقلار هله باشکنده یئتیشمه‌دی یوخسا بو سورون چوخدان چؤزولموشدو " دئدی.
نیلوفر