ائرمنیستانیْن قاراباغیْ گئری قایتارماسیْندا ایلک آددیْم
يكشنبه, ۱ شهریور ۱۳۹۴، ۰۱:۲۴ ب.ظ
سئرژ سارکیسیان ائرمنیستانیْن دؤولت قۇرولۇشۇنۇ دییشمک ایسته ییر.
ائرمنیستان پرئزیدئنتی سئرژ سارکیسیان بو اؤلکه‌نین کونستیتوسییا اصلاحاتلاری لاییحه‌سینی پارلامئنته تقدیم ائدیب. آنس پرئسس-این معلوماتینا گؤره، رس‌می ایروان اصلاحاتلارا گئتمک‌ده اساس مقصدین اؤلکه‌نین دئموکراتیکلشمه سوییه‌سینین درینلشدیریلمه‌سی اولدوغونو بیان ائتسه ده، بیر سیرا موستقیل ائکسپئرتلر کونستیتوسییانین قاراباغی آذربایجانا قایتارماق اوچون دییشدیریلدیینی ادعا ائدیرلر.  ۱-جی قاراباغ محاربه‌سی بوتون پوستسووئت مکانینی احاطه ائد‌ن «ائوراسیا دایلی» اینفورماسییا آگئنتلیینین ائرمنیستان اوزره سیاسی شرح‌چی‌سی آنوش لئوونیان بو ارفه‌ده یازدیغی مقاله‌سین‌ده قئید ائدیب کی، اصلاحاتلار نتیجه‌سین‌ده اؤلکه‌نین سیاسی ائلیتاسی گنجلشه‌جک: «حاکم پارتییانین قاراباغ محاربه‌سی دؤورون‌ده اؤزلرینه کاریئرا قورموش و وار-دؤولت ییغمیش وئتئرانلارینین یئرینه قاراباغ حرکاتی ایله بیرباشا علاقه‌سی اولمایان، پروبلئمه کؤهنه پارتییا قواردییاسی، «محاربه نس‌لی» کیمی بیرمه‌نالی باخمایان اینسانلار گله‌جک. اویغون اولاراق، حتی پسیخولوژی باخیم‌دان، اونلارین موباهی‌سه‌لی، جمعیت‌ده حتی یئترینجه نیفرت اویادا بیله‌جک نیزاملاما واریانتلارینی قبول ائتمه‌سینه و ایر‌لی سورمه‌سینه هئچ نه مانع اولا بیلمه‌یه‌جک».  ایشغال ائدیلمیش تورپاقلاری ائرمنیستانین حاکم پارتییاسینین تمثیل‌چیلری اکیب پول قازانیر آنوش لئوونیانین فیکرینجه، حاکم پارتییانین تمثیل‌چیلری هم ده ایشغال ائدیلمیش اراضیلرده گئنیش تارلالاری اکیب-بئجریب، پول قازاندیقلارینا گؤره قوشونلاری گئری چیخارماق ایستهمیرلر. او، گنج نسلین حاکمیته ائرمنیستانین پارلامئنت رئسپوبلیکاسینا چئوریلمه‌سین‌دن سونرا گلجیینی دوشونور.
ائرمنیستان‌دا کونستیتوسییا اصلاحاتلاری اوزره پئشکار کومیس‌سییانین عضوو هرایر تووماسیانین سؤزلرینه گؤره، اصلاحاتلاردا اساس مقصد اؤلکه‌نی پرئزیدئنت رئسپوبلیکاسین‌دان پارلامئنت رئسپوبلیکاسینا چئویرمک‌دیر. پرئزیدئنت‌لیک رمزی وظیفه اولاجاق و دئپوتاتلار طرفین‌دن سئچیله‌جک. پارلامئنت سئچکیلری یالنیز پروپورسیونال سیستئمله کئچیریله‌جک. دینج زامانلاردا حربی قوه‌لر حکومته تابع اولاجاق، اونلارا مدافعه ناظری رهبرلیک ائد‌جک. محاربه واختی باش ناظر آلی باش کومان‌دان اولاجاق. سلاح‌لی قوه‌لرده ان یوکسک شخص باش قرارگاه ری‌سی اولاجاق.  آذربایجانین ائرمنیستان طرفین‌دن ایشغال ائدیلمیش تورپاقلاری یعنی نورمال منتیقله، اصلاحاتلاردان سونرا ائرمه‌نی جمعیتین‌ده قاراباغی آذربایجانا قایتارماغا گؤره قیناق اوبیئکتینه کونکرئت شخص یوخ، حاکمیت‌ده اولان پارتییا چئوریله‌جک کی، بو دا ایشی خئی‌لی آسانلاشدیریر. ائرمنیستان‌دا داغ‌لیق قاراباغی و آذربایجانین ایشغال ائدیلمیش دیگر رایونلارینی «قانلا گئری قایتاریلمیش» اراضیلر ساییرلار و همین تورپاقلارین آذربایجانا قایتاریلماسینی عقللارینا بئله گتیره بیلمیرلر. بونا گؤره ده دؤولت باش‌چی‌سی اولان شخص اؤزونون و عائله‌سینین گلجیی باره‌ده احتیاط ائد‌رک قوشونلارین ایشغال اولونموش تورپاقلاردان گئری چیخاریلماسی باره‌ده قرار وئرمه‌یه ریسک ائتمیر. آنوش لئوونیان بو باخیم‌دان حاکمیته کوللئکتیو شکیل‌ده گله‌جک گنج نسلین چکینمه‌دن بو آددی‌می آتا بیلجیینی و قاراباغی آذربایجانا قایتارا بیلجیینی وورغولاییر. لاکین آنس پرئسس-ا موصاحیبه وئره‌ن پولیتولوق قابیل حسین‌لی ائرمه‌نی شرهچینین بو پروقنوزونو او قدر ده حقیقته اویغون سایمیر: «قاراباغ مسئله‌سی ائرمنیستان‌دا دینی اینانج‌دان دا موهوم مسئله‌دیر. ائرمه‌نیلرین هامی‌سی بو مسئله‌ده یئکدیلدیرلر کی، قانلا آلینمیش تورپاقلاری وئرمک اولماز. بؤیویه‌ن گنج‌لیگی ده محض بو روح‌دا تربییه ائدیرلر. چتین کی، پارلامئنته گلن یئنی نسیللر بو مسئله‌ده فرق‌لی مؤقع اورتایا قویسونلار».  قابیل حسین‌لی - پولیتولوق پولیتولوقون فیکرینجه، عکسینه ائرمنیستان‌داکی کونستیتوسییا اصلاحاتلاری قاراباغ مسئله‌سینین دینج یوللا حلینی چتینلش‌دیره‌جک. چونکی اصلاحاتلار موخالیفتین سیاسی گوجونو آرتیراجاق و حاکمیت قاراباغ موناقیشه‌سینین حلی اوزره هان‌سی‌سا بیر قرار وئرمک ایسته‌سه، موخالیفت درهال اونو انگلله‌یه‌جک. قابیل حسینی‌لی آذربایجانین دینج دانیشیقلاری داوام ائتدیرمکله یاناشی موناقیشه‌نین حرب یولو ایله حل ائدیلمه‌سینه هازیرلاشماسینی واجیب ساییر: «قانلا وئریلمیش تورپاقلار، یالنیز قانلا گئری آلینا بیلر. ائرمنیستانی فاکت قارشی‌سین‌دا قویماق لازیم‌دیر. تورپاقلاریمیزین ایشغال‌دان حرب یولو ایله آزاد ائدیلمه‌سی هم الله قارشی‌سین‌دا، هم وطن قارشی‌سین‌دا بورجوموزدور. اما، طبیعی کی، بونا هازیرلیغیمیز اولمالی‌دیر و گوج‌لو اوردو قورمالیییق».
